لهجات من سوريا !!!!!!!!!!!!!

تذكير بمساهمة فاتح الموضوع :



عندي زميل حلبي الزلمة بالظروف العادية بيحكي شامي ولكن لما حدا يستفزه بتلاقي يحكي شنني منني ، المهم فهمت منه انها اللهجة الحلبية ودائما استفزه علشان يحكي بلهجته لأنها بتعجبني ولكن مصطلحاتها بصراحة طريفة وغريبة ، فجمعت لكم مجموعة من الكلمات اللي بذكرها واللي سألته عن ترجمتها فمنها اللي فهمته ومنها اللي بدو مترجم خارجي
وإليكم المصطلحات :

ابوس روحك :للمدح
شأد : يعني كم
روح قلبنا نجقجق : لم اعرف لها ترجمة
ونانتي : يعني جدتي
اشبكن : ماذا بكم
اشبك : ماذا بك
جدبة :يعني مجنونة
سكرتون: يعني خزانة
يبلاك بقتلك يعني دعاء بالقتل والضرب
ورصاص : يعني دعاء بالموت أيضا (ولكن رميا بالرصاص)
لا تجقجق يعني لا تدوس على الماء ( إذا كانت الأرض مغسولة)
بتاتا يعني البطاطا
مجأجأ ....... مرطب
عوجة .... كوع
خلء .... عالم

وكان يستعمل ادوات إشارة اكثر غرابة ... وهي
كوهنه ... للمذكر القريب
كيهنه .. للمؤنث القريب
كوهاك .. للمذكر البعيد
كيهاك .. للمؤنث البعيد
كوهاكيي .. لجمع المذكر البعيدين
كيهاكين .. لجمع المؤنث البعيدات
كوهنن .. لجمع المذكر القريب
كيهنن .. لجمع المؤنث القريبات
وطبعا للسهولة في اختصارات كمان مثل
اختصار المذكر القريب .. كو
اختصار المؤنث القريبة ... كي

ومن الاختصارات أيضا

تاااا بدل من تعال
رووو بدل من روح
ما راي بدل من ماني رايح
ابخالتي بدل من ابن خالتي
شأساعه بدل من كم الساعة
اشلك فصتون : يعني شو بدك فيهم
جنق ... هي الصحن
فرتيكه .. هي الشوكه
خوليه .. هي البشكير
أرمغان .. هي الهديه
جمجايه .. هي يعني معلقه السكب المقعرة الكبيرة (الكبجاية عندنا)

خيت وخيتو --- يعني أختي
خاي وخيو ---يعني أخي
جلق --- دمه ثقيل
وجع --- دعاء بالالم (صحيح معروفة ولكن لها طريقة نطق طريفة عنده)
خوته --- معه صراع
فلته --- واحد شاطر
كرتاية ---- سكجا يلي بتدخل فيها (هيك خبرني ترجمتها وما فهمتها)
اكندرة ----> أنظر الكندرة
دي بقا ----> لك لك
علوّا ..... اي يا حبذا (هاي بنعرفها)

وسلامتكم
شباب رجاءا الابتعاد عن الردود اللي مش ولا بد
لأن القصد المعرفة مش الاستهزاء أو السخرية

اشو خاي أبوس روحك عهالموضع كني صاير حلبي
ومن بعض مفرداتهم بقولو عن الكندرة {الله يعزكم } اندرة
وشكرآلهالموضوع القيم معناتو اذا شي يوم نويت اروح على حلب بتصل عليك أبو محمد

أبو تسنيم كتب:اشو خاي أبوس روحك عهالموضع كني صاير حلبي
ومن بعض مفرداتهم بقولو عن الكندرة {الله يعزكم } اندرة
وشكرآلهالموضوع القيم معناتو اذا شي يوم نويت اروح على حلب بتصل عليك أبو محمد

تكرم يا أبو تسنيم راح نكتب لك ورقة فيها شوية مصطلحات
حلبية علشان تعرف تخلص حالك معاهم ، وحتى اذا بتحب
تروح على كردستان كمان خبرنا ... وشكرا لمرور الطيب

بوس روحك وج وأفا

ابو محمد وهيب اتحداك اذا عمك ابو راتب بيسجل رد على هالموضوع او بتقدر تخليه يسجل رد
وكلمه اخرى اضيفها هي ميةالسلامه

كوهنه .
كيهنه ..
كوهاك ..
كيهاك ..
كوهاكيي ..
كيهاكين ..
كوهنن ..
كيهنن

اقراهن مع بعض رح تطلع معاك لهجة ما بين اليابانية و الصينية


مشكور ابو محمد موضوع حلو وفعلا لهجة الحلبية لا تخلو من الطرافة

وهيب أبو محمد كتب:

أبو تسنيم كتب:اشو خاي أبوس روحك عهالموضع كني صاير حلبي
ومن بعض مفرداتهم بقولو عن الكندرة {الله يعزكم } اندرة
وشكرآلهالموضوع القيم معناتو اذا شي يوم نويت اروح على حلب بتصل عليك أبو محمد

تكرم يا أبو تسنيم راح نكتب لك ورقة فيها شوية مصطلحات
حلبية علشان تعرف تخلص حالك معاهم ، وحتى اذا بتحب
تروح على كردستان كمان خبرنا ... وشكرا لمرور الطيب

مشكور ابو محمد لا خوي خلينا لحلب بس

أبوإبراهيم كتب:بوس روحك وج وأفا

على فكرة أبو ابراهيم انت ممكن تكون بتعرفه للزميل اللي بحكي عنه
واذا بتذكره هو اسمه احمد تميم ابن الشيخ محمد فوزي فيض الله

د/ابوحمد/ كتب:ابو محمد وهيب اتحداك اذا عمك ابو راتب بيسجل رد على هالموضوع او بتقدر تخليه يسجل رد
وكلمه اخرى اضيفها هي ميةالسلامه

طال عمرك لا تتحداني ولا بتحداك اني وعمي ابو راتب متحاربين
لا هو بيرد بمواضيعي ولا أني برد بمواضيعه ، دشمان يعني

ابو اسامة - كتب:كوهنه .
كيهنه ..
كوهاك ..
كيهاك ..
كوهاكيي ..
كيهاكين ..
كوهنن ..
كيهنن

اقراهن مع بعض رح تطلع معاك لهجة ما بين اليابانية و الصينية

مشكور ابو محمد موضوع حلو وفعلا لهجة الحلبية لا تخلو من الطرافة

قال الصينيين يوم ييجوا يسموا اولادهم بيجيبوا طنجرة كبيرة
وبيزتوها بارض الدار والصوت اللي بيسمعوه بيسمو فيه اولادهم
يعني طنج بنج تشنج ، وبالتالي في شوية فرق بينها وبين الحلبية
شكرا لمرورك الطريف ابو اسامة

أبو تسنيم كتب:

وهيب أبو محمد كتب:

أبو تسنيم كتب:اشو خاي أبوس روحك عهالموضع كني صاير حلبي
ومن بعض مفرداتهم بقولو عن الكندرة {الله يعزكم } اندرة
وشكرآلهالموضوع القيم معناتو اذا شي يوم نويت اروح على حلب بتصل عليك أبو محمد

تكرم يا أبو تسنيم راح نكتب لك ورقة فيها شوية مصطلحات
حلبية علشان تعرف تخلص حالك معاهم ، وحتى اذا بتحب
تروح على كردستان كمان خبرنا ... وشكرا لمرور الطيب

مشكور ابو محمد لا خوي خلينا لحلب بس

مهو انت ان وصلت حلب ما بيظل شي بينك وبين كردستان
يعني فيك تقول مقرط العصا